نیشانێت دەستپێکێ
نیشانێت دەستپێکێ یێن دووگیانیێ، ژنێن دووگیان د ماوەێ ١-٢ حەفتیێن دەستپێکێ دا ڤان نیشانا د بینن. ژ وان ژی نازکیا سینگی، ماندیبین ۆ نەخۆشیێت سپێدەهیان، ب شێوەکێ اسای بلنبوونا ئاستێ هۆرموونێت دووگیانیێ ڤان نیشانا درووست دکەت. چێدبیت هێشتا نیشان هەبن وەک زێدەبوونا دەرچوونا زێ، گەلەک میزتن، گۆهۆرینا مەزاجی. نیشانێت دووگیانیێ ژ کەسەکی بو ئێکێ دی د هێنە گۆهۆرین، هندەک تووشی نەخۆشیێت سپێدەهیان دبن ددەمەکی دا کۆ هندەکێت دی چ گۆهۆرینێت جەستەی نابینن. ئەو کەسێن کو ڤان نیشانا د بینن پێدڤییە هەر زیکا سەرەدانا نووژداری بکەن داکو د بەرهەڤ بن بۆ هەر گۆهۆرینەکێ و هەروەسا پتر بزانن سەبارەت ب ڤێ گەشتێ.
ژ دەستدانا سۆرا هەیڤانە
ژ دەستدانا سوورا هەیڤانە ئێکە ژ نیشانێت دەستپێکی بو ئەوان کەسان یێت ب دووگیان دکەڤن ئەڤە دەمەکی رووددەت کو پیتاندن د ناڤبەرا هێکێ و سپێرمێ دا تەمام دبت و جەستە دەست ب بەرهەم ئینانا هورمونێ HCG دکەت، هورمونەکە کو د زاروکاندا د هێتە بەرهەم ئينان ٨-١٠ رووژان پشتی زکپربوونێ داکو کورپەلە گەشێ بکەت. د ئەنجام دا جەستەێ هەلکەدانێ د راوەستت و د ئەنجام دا بو ماوەکێ کورت زڤروکا هەیڤانە نامینت. هەرچاوابت، ژ دەستد دانا زڤروڤا هەیڤانە چێدبیت ژ بەر سترێس و نە هەڤسەنگییا هورمونا بت، گەلەک رجێم کرن. ئەو کەسێن ڤان دەمادا گوومانێ د بەن کو ب دووگیانن پێدڤییە ئەو رابن ب ئەنجام دانا تێستا دووگیانیێ داکو پشتراستبن.
نەخوشیێت سپێدەهییان و دل ڕابوون
نەخوشیێت سپێدەهییان ئێکە ژ نیشانێت سەرەتای کو ٢-٨ حەفتییان پشتی زکپریێ روویددان و ژ نیشانێت گەلەک بەربەلاڤە د ناڤ ژنێت دووگیان دا. نەخووشیێت سپێدەهییان وەکی دل رابوون بێ زەوقی و سەرئێش و گێژبوون، پتر ئەڤ نیشانێت هە ل سپێدەهییان دیار دبن. ئەڤ نیشانێت هە د بیت ل حەفتییا ١٢ یا دووگییانیێ نەمینن و ل حەفتییا ٣٢ ژ بەری ژ دایک بوونێ دووبارە دەدکەڤنڤە. ئەڤ نیشانێت هە د بیتە ئەگەرێ تێکچوون و دل رابوونێ کوو دبنە ئەگەرێ هشکبوونێ، و ماندیبوونەکا زێدە و ژ هشچوونێ. ئەڤ کەسێت ڤان نیشانا د بینن پێدڤییە هەر زیکا سەرەدانا نوژداری بکەن داکو نوژدار ب کارێ پێدڤی رابت. د گەل هندێ ژیدا بتنێ هندەک ژنێت کێم ژ ژنێت دووگیان چ نیشانا نابینن، ئەڤە ژی ل دیڤ بارێ جەستەی یێ هەر ژنەکێ د مینت.
نازکییا سینگی یان گۆهۆرینا سینگی مەمک
نازکییا سینگی یان گۆهۆرینا سینگی ژ نیشانێت دەستپێکینە کو ٢-٣ روژ پشتی زکپریێ دەردکەڤن. کو سینگ مەزندبت، پیستێ دەورووبەرێ بازنا سینگی رەنگێ وی تاریتر لێ د هێت. پیستێ سینگی ب هێز تر لێ د هێت، دەمارێت خوینێ زێدەتر د هێن دیتن. ب شێوەک ئاسای سینگ نازک دبت. ئەڤ نیشانێت هە هێدی هێدی کێم دبن پشتی جەستە هێدی هێدی خوە د گونجینت دگەل چالاکیێت هورمونیێت دووگیانیێ.
گەلەک میزتن
گەلەک میزتن ئێکە ژ نیشانێن دەستپێکی کو روویددەن پشتی نەمانا زڤروکا هەیڤانه دیاردبیتن. د دەمێ دووگیانیێ جەسته خوین و شلەمەنییا زێدەتر بەرهەم د ئینت داکو کورپەلە گەشە بکەت. گولچیسک زێدەتر کاردکن بو پاڵاوتنا بڕا زێدەتر یا خوینێ بو دەردانا پاشماوەیان بو ناڤ میزێ. میز رەنگێ وێ توختر دیاردبیت. وەک پرتەقالییەکی یان قەهواییەکی. د گەل مەزنبوونا کورپەلەی مالبچویک مەزنتر لێ دهێت و زێدەتر فشارێ د ئێختە سەر میزلدانکێ ئەڤە ژی د بته ئەگەرێ گەلەک میزتنێ ب تایبەت ل شەڤێ.
مانديبوون
مانديبوون ز نيشانێت دەستپێکینه ددەمێ زکپڕیێ دا، ددەمێ دووگیانیێ دا جەسته ڕێژەکا بلند یا پروجسترونی بەرهەم د ئینت بو بەردەوامییا گەشا کورپەلەی. ژ لایەکێ دیڤەبلند بوونا هورموونان چێدبیت پروسا میتابولیزم هێدی بکەت، د ئەنجامدا جەسته زێدەتر هئزێ و تاقەتێ خەرج دکەت د پروسا هەرسکرنێدا. و ئەڤە د بیته ئەگەر کو ژن پتد هەست ب ماندیبوونێ بکەت و بەردەوام ئازار هەبن.
خوینبەربوونا زێ
خوینبەربوونا زێ نیشانەکا زووی یا دووگییانیێ یە کو ل ٣ هەیڤێت دەستپێکی دا دیار دبیت. پشتی پیتاندنێ، کورپەلە د دیوارێ مالبچوویکی دا دهێتە چاندن و ددەمێ دووگیانیێ دا خال یان خوینبەربوونا زێ روویددەت بێ ئازارا زکی یان گرژبوونێ. دگەل ڤێ چەندێ ژی هەمی ژن توشی ئەڤێ خوینبەربوونا هە نابن. ئەو کەسێت کو خوینبەربوون و گرژبوون هەی بەلکی بەلکی ب بێ ئاگەهی دوگیان بن(دووگیانیا دەرەکی)، زوور یا گرنگە سەرەدانا نوژداری بهێت کرن.
سەرئێشی و سەرگێژبوون
سەرئێشی و سەرگێژبوون ئەڤە ژی ژ نیشانێت دەستپێکینە یێن دووگیانیێ کو ب ئەگەرێ گوهورینا هورمەنێت لەشی و هەروەسا زێدەبوونا سورا خوینێ درووست د بیت. سەرئێشی و سەرگێژبوون د دەمێ دووگیانیێ دا ل دیف هەر حالەتەکێ جەستەی زێدەتر یان کێمتر نەیەکسان دەردکەڤن. ژ هوکارێت وێ ئەوژی گوهورینا هورمونان، سترێس، کێم خەوی یان دەستبەردان ژ کافاینی. ئەو ژنێت کو ئەڤ سەرئێشیە بەردەوام هەی پێدڤی سەرەدانا نەژداری بکەن بو پتر پشکنینا و پشتراستیێ ژ بارێ دووگیانیەکا ساخلەم.
ئاوسان
هەلئاوسان نیشانەیەکا بەربەلاڤە کو ژنێت دووگیان تووش دبن ژ ئەگەرێ بلندبوونا هورمونێ پرۆجسترونی کو کاریگەریێ لسەر کوئەندامێ هەرسێ دکەت. ئەڤ گوهورینکاریێت هەنێ د بنە ئەگەرێ زێدەبوونا گازێ د گەدەی دا و دبیتە ئەگەرێ هەلئاوسانێ و هەست ب تێربوونێ. ژ نیشانێت وێ ئەوژی پربوونا سکی، نە ئارامی و ئاوسان.
