دوودلی ژ کێشێت بەربەلاڤە و یا چاڤەرێکرییە رویبدەت، ئەزمونەکا بەردەوام و یا چاڤەرێکرییە بو دایک و بابان. دوودلی و ترس ژ تەندروستییا زاروکی، ژ پروسا ژ دایک بوونێ، گوهورینا هورمونان. ئەڤە هەمی ئەگەرن و هەروەسا ئازارێت جەستەی ژی ئەگەرن. ئاستەکێ دیارکری ژ دوودلیێ ئاساییە بەلێ ئەگەر بەردەوام بو و زور بو دێ بیتە ئەگەر کاریگەریێ لسەر ژیانا روژانە بکەت. ژ نیشانێت دوودلیێ گەلەک خەمخارن و هزرکرن، هزروبیرێت نە گەلەک باش دەربارەی دووگیانیێ یان زاروکی، نیشانێت جەستەی وەک بێهنتەنگی، سەرگێژبوون، بلندبوونا لێدانێت دلی و هەستکرن ب گەرمیێ خوهدان. زەحمەت نڤستن.
خەمۆکی د دەمێ دووگیانیێ دا نە هەڤسەنگییا میزاجییە ل دەف ژنان کو کاریگەری لسەر ژنان هەیە ددەمێ دووگیانیێ دا. هەستێ بەردەوام یێ خەمباریێ، کێمتەرخەمیێ و چەندین نیشانێت دی کو ئەگەر نەهێنە چارەکرن دێ کاریگەری لسەر ژیانا روژانە هەبیت، کاریگەرییەکا نەرێنی لسەر ژیانا زارۆکی و دەیکێ. ژ نیشانێت وێ هەست کرن ب خەباریێ ب بەردەوامی، نەبوونا حەزێ، هەستکرن ب تاوانباریێ، بێزاربوون ب ساناهی، گری و ئاریشا تەرکیزێ. گوهورین د شێوازێ خەوێ دا، ماندیبوون، سەرئێشی، ئازارێت ماسولکان و ئاریشە د مەعیدەیدا و د ریڤیکاندا. زەحمەت بریاردان، ئاریشا بیردانکێ. ئەڤە هەمی رویددەن ژ بەر هندەک ئەگەران وەک گوهورینا هورمونان، فشارێت دەروونی ژبەر دووگیانیێ، نەبوونا پشتگێریێ ژ کەسێت دەورووبەر، خارنێت نە دروست وەکی ڤەخارنێت کحولی، مادێت بێ هوشکەر
نەخوشییا دەروونی حالەتەکێ زەحمەت یێ دەمێ دووگیانیێیە، پێدڤی ب چاڤدێرییەکا بلەز یا پزیشکی هەیە. ئەڤ حالەتە بەلکی ڤەقەتییان ژ واقعی و خەیال چوون بت کو کاریگەریێ لسەر دایکێ و زاروکی بکەت. چێدبیت ئەڤ ئەڤە نەخوشییەکا دەروونی یا بەری دووگیانیێ بیت یان ژی بەلکی ددەمێ دووگیانیێ دا سەرهەلدابیت. د ڤی حالەتی دا پێدڤی ب نڤاندنێیە ل نەخوشخانێ و چارەسەریێت بلەز. ژ نیشانان وەکی گوهلێبوونا هندەک دەنگان کو د واقعی دا نینن، هەست و هزرێن نەخوش، ئالوزییێت ژ دایکبوونێ بەلکی پەیدابن وەک ژ دایکبوونا پێشوەخت.
نەخوشییا دوودلییا پشتی شۆکبوونێ د دەمێ دووگیانیێ دا یان پشتی دووگیانیێ چێدبیت روویبدەت، ئەڤ حالەتە دروست دبیت ل دەف نەخوشی دەمێ بو نموونە ژ دایکبوونەکا زەحمەت دەرباس کربیت، یان ژ بەرچوونا زاروکی روویدابیت یان ئازارەکا شەخسی یا نەخۆش توش بییە. د بیتە ئەگەر هەست و هزرێن ترس و دوودلیێ ل دەف درووست ببن. ژ نیشانێت وێ ئەوژی کابوس دەربارەی وێ رویدانێ یان هزرێت نەخوش ب بەردەوامی و گەلەکێت دی. هەست کرن ب بێزاریێ بەردەوام، یان کێشە د گەل پەیوەندیێت د گەل زارۆکی. بەلێ چارەسەری یا هەی. ئاخفتن د گەل راهێنەرەکێ، ب تایبەتی ئەو کەسێت ل چارەسەریێت جەخت لسەر تراوما هاتینە مەشقدان، د شێت هاریکار بیت. ب کارئینانا دەرمانێت سلامەت، چاڤدێرییەکا گۆنجای، بارا پتر یا خەلکی د شێن چارە ببن ب دەربازبونا دەمی دێ هەست ب باشیێ کەن
گوهورینا مەزاجی د دەمێ دووگیانیێدا گەلەک ئاساییە ژ ئەگەرێ گوهورینا هورمونان، نە ئارامییا جەستەی و فشارێت دەروونی د دەمێ ئامادەکارییان بو زاروکبوونێ. ئەڤە د بنە ئەگەرێ گوهورینا بلەز یا مەزاجی. هندەک جارا هەست ب لخوشیێ و هندەک جارا هەست ب تورەیێ و هندەک جارا هەست ب خەمباریێ، ژن دناڤ ڤان هەمی حالەتان دا د بورت. کێمییا خەوێ و دوودلی سەبارەت داهاتوی د بنە ئەگەر کو فشار ل سەر دەروونی پتر لێ بهێن. پێدڤییە ژن ب زانیت کو ئەو پێدڤی ب بێهنڤەدانێت تەمام هەیە، خارنەکا تەندرووست و چالاک، بەردەوام کرنا وەرزشێت سڤک وەک رێڤەچوون یان هەناسێت کیر. ئاخفتن د گەل کەسەکی دەربارەی هەستێت خو دێ تە پتر ئارام کەن، هندەک کەس د گەل تە بن کو پشتگێرییا بارێ دەروونی یێ تە بکەن و گوهدارییا هەستێت تە بکەن و بە تە باخڤن ب شێوەک ئارام و جان دێ پتر وەل تە کەت کو هەست ب ئارامیێ بکی. ئەگەر ئەڤ گوهورینا مەزاجی پتر لێ هات و زێدەتر بەردەوام بوو گەلەک گرنگە کو سەرەدانا نوژداری بێتە کرن بو ب دەستڤە ئینانا پشتگێرییا پتر
تێکچوونا خەوێ پشتی دووگییانیێ کێشەکا بەربەلاڤە د ناڤ ژنێت دووگیان دا، تێکچوونا هورمونان، یان هەست کرن ب نە ئارامییا پشتی خەوێ نە ئارامییا جەستەی وەک پشت ئێش ئەڤە هەمی هندەک هوکارن بو کێم خەویێ، دوودلی سەبارەت ب دووگیانیێ پەیدابوونا هەستێت نە ئارام وەل دەیکێ دکەت کو نڤستن بو وێ پچەک ب زەحمەتر بیت. بو باشترکرنێ و پەیداکرنا ژینگەهەک ئارامتر بو نڤستنێ هندەک رێکان ب کاربینە وەک خواندنا پەرتووکان، هەناسێت کیر یان گەرماڤەکا گەرم دێ هاریکارییا تە پتر کەت لسەر خەوەک ئارام، ب کارئینانا بالیفکان بو پشتێ یان ناڤبەرا پێت خودا دێ بیتە ئەگەر بو نڤستنەک ئارامتر. خوە ژ ڤەخارنێت کافاین تێدا دیر بهێلە، بلا ژورا نڤستنا تە ئارام و تاری یان ژی روناهیێت کو زیانێ نە گەهینن خەوا تە تێڤە بن. ئەگەر ئەڤ کێشە مەزنتر لێهات یان بو ئەگەر کو گەلەک تێکبچی باشترو د گەل نوژدارێ خوە باخڤی داکو رێنمایێت تەندروست سەبارەت ب خەوێ ب دەت تە.